Draugar, myrkur og Olsen Olsen
Síðasta föstudag, 1. nóvember, héldum við upp á Daga myrkurs í Eskifjarðarskóla. Nemendur og starfsfólk mættu í dökkum eða svörtum fötum í tilefni dagsins. Yngstu nemendur fengu tækifæri að lýsa upp skólann í skólabyrjun með vasaljósum en ekki var kveikt á ljósum. Nemendur fengu að lesa við rökkur og nýta vasaljósin sín. Lærdómur dagsins var tileinkaður verum sem búa í myrkrinu. Það er árlegur viðburður í Eskifjarðarskóla að nemendur skólans spili saman Ólsen ólsen í lok október eða á dögum myrkurs. Venjan er að eldri nemendur spili á móti yngri nemendum og skipt reglulega um mótspilara. Í dag spiluðu um 140 nemendur þar sem mikil keppnisharka var í mörgum en gleðin og kætin voru þó alltaf í fyrirrúmi.
Á fimmtudaginn, 31. október, var haldið upp á Hrekkjavöku og nemendur mættu í búning í skólann. Margir bekkir tóku þátt í að skreyta stofurnar með hryllilegum skreytingum.