Litla upplestrarkeppnin
21.05.2018
Á dögunum fór Litla upplestrarkeppnin fram í skólanum. Keppnin er eins konar undirbúningur fyrir Stóru upplestrarkeppnina í 7. bekk. Meginmarkmið hennar er að nemendur flytji íslenskt mál sjálfum sér og öðrum til ánægju og að þeir hafi vandvirkni og virðingu að leiðarljósi við flutninginn. Þeir þjálfast í lestri, munnlegri tjáningu og framkomu.
Nemendur 4. bekkjar hafa æft í vetur undir leiðsögn umsjónarkennara síns, Fjólu Traustadóttur. Á lokahátíðinni komu nemendur fram og fluttu valda leskafla og ljóð og sungu lög fyrir foreldra og kennara. Þeir voru öruggir í allri framkomu og frábært að sjá árangurinn eftir æfingar vetursins.
Í lokin fengu allir þátttakendur viðurkenningu fyrir þátttökuna.