Ólsen ólsen dagurinn

Það er árlegur viðburður að allir nemendur skólans spili saman Ólsen ólsen. Þriðjudaginn 30. október spiluðu um 140 manns í einu ólsen ólsen og höfðu mjög gaman að. Við skiptum oft um mótspilara og þannig kynnast eldri og yngri nemendur okkar betur.  Það er mikil keppnisharka í mörgum en gleðin og kætin voru þó alltaf í fyrirrúmi. Við spiluðum í eina kennslustund og eftir það gengu nemendur ánægðir aftur til sinnar vinnu. Það var þó greinilegt að margir voru tilbúnir að spila lengur enda hugur í mörgum í spilunum.