Öskudagur 2024 í Eskifjarðarskóla

Miðvikudaginn 14.febrúar 2024 var öskudagur og héldum við í hefðina og héldum uppbrotsdag með hinum ýmsu viðburðum.

Öskudagurinn hófst á söngstund á sal. Að henni lokinni var Olsen Olsen spilastund. Því næst var myndataka, leikir og andlitsmálun. 

Að því loknu var farið í bæjarferð þar sem hópar fóru í gönguferð í fyrirtæki, sungu og fengu nammi að launum fyrir.

Þegar nemendur komu aftur úr bæjarferð var kötturinn slegin úr tunnunni. Nemendur fóru að loknum öskudegi í vetrarfrí. 

Við þökkum fyrirtækjum á Eskifirði og nágrenni fyrir að taka á móti okkur.

Myndir frá deginum má sjá hér og hér er myndaalbúm af heimasíðunni Öskudagur 2024.